වනිඳුට යළි ලැබුණු අවස්ථාව

දඟ පන්දු ක්‍රීඩක වනිඳු හසරංගට 2024 කැරිබියන් ප්‍රිමියර් ලීග් (CPL 2024) සඳහා සහභාගී වීමට අවස්ථාව උදා වී තිබෙනවා.

ඒ අනුව, St Kitts and Nevis Patriots කණ්ඩායම වෙනුවෙන් ක්‍රීඩා කිරීමට ඔහුට මෙසේ අවස්ථාව හිමිව ඇති බවයි වාර්තා වෙන්නේ.

එම කණ්ඩායමේ ක්‍රීඩක සිකන්දර් රාසා අබාධයකට ලක්වීම නිසා ඔහුගෙන් වූ හිස්තැනට වනිඳු මෙසේ කැඳවා තිබෙනවා.

මීට පෙර හසරංග CPL 2024 වෙතින් ඉවත් කර තිබූ නමුත් සිකන්දර් රාසා වෙනුවෙන් ඔහු පැමිණීමට නියමිතයි.

මස්පිඬු ආබාධයකට ලක්වීම නිසා පසුගිය මාසයේ දී පමණක් ඔහුව මෙසේ තරඟාවලියෙන් ඉවත් කර තිබූ අතර, එහිදී ඔහු වෙනුවට ටබ්‍රයිස් ෂම්සි පත් කෙරුණා.