ශ්‍රී ලාංකිකයෙක් අමෙරිකාවේ ආරක්ෂක අධ්‍යාපන මණ්ඩලයේ උපදේශක තනතුරකට
ශ්‍රී ලංකාවේ උපත ලද එක්සත් ජනපද රාජ්‍ය තාන්ත්‍රිකයෙකු වන ආචාර්ය පැට්‍රික් මෙන්ඩිස්ව එරට කීර්තිමත් ජාතික ආරක්ෂක අධ්‍යාපන මණ්ඩලයේ (NSEB) උපදේශකයෙකු ලෙස පත් කර ඇති බව ධවල මන්දිරය විසින් නිකුත් කරන ලද මාධ්‍ය නිවේදනයක දැක්වෙනවා.
එක්සත් ජනපද ජනාධිපති ජෝ බයිඩන් විසින් මෙම පත් කිරීම සිදුකර ඇති බවයි එහි දැක්වෙන්නේ.
ශ්‍රී ජයවර්ධනපුර විශ්වවිද්‍යාලයේ කළමනාකරණ අධ්‍යයන හා වාණිජ පීඨයේ, මිනසෝටා විශ්වවිද්‍යාලයේ හම්ෆ්‍රි මහජන කටයුතු පිළිබඳ පාසලේ සහ හාවඩ්හි රජයේ කෙනඩි පාසලේ අධ්‍යාපනය ලැබූ ආචාර්ය මෙන්ඩිස් සිය කීර්තිය එක්සත් ජනපදයේ සිට ආසියානු සහ යුරෝපා මහාද්වීප පුරා පතුරුවා හළ අයෙක්.
