ඇමති රොෂාන්ගෙන් අද යළි විශේෂ හෙළිදරව්වක්
ක්‍රිකට් ක්ෂේත්‍රයේ පවතින අර්බුද සම්බන්ධයෙන් තමන් අද (27) දිනයේදී පාර්ලිමේන්තුවේ දී විශේෂ ප්‍රකාශයක් සිදු කරන බව ක්‍රීඩා අමාත්‍ය රොෂාන් රණසිංහ මහතා පවසයි.
ක්‍රීඩා අමාත්‍යවරයා මේ බව සඳහන් කළේ වාරියපොළ දී මාධ්‍ය වෙත අදහස් දක්වමිනි.
“මම හෙට පාර්ලිමේන්තුවේදී විශේෂ ප්‍රකාශයක් කරනවා. දැන් කොහොමහරි බලන්නේ මට චෝදනාවක් ගොනු කරන්න. ඒ කාරණේ මොකක් ද? මොකක් ද කරන්න යන්නේ, මේකේ ඉලක්කය කියන එක මම හෙට පැහැදිලි කරන්නන්. මේ හැම දෙයක්ම පිටිපස්සේ තියෙන්නේ කුමක්ද? අරමුණ මොකක් ද ? මේකේ පිටිපස්සේ ඉන්න දූෂිත කල්ලිය කවුද ? මේ අය කරන්න යන්නේ මොකක්ද කියලා මම හෙට සජීවීව පාර්ලිමේන්තුවේ දී ප්‍රකාශයක් කරන්න බලාපොරොත්තු වෙනවා. 225ම හොරු කියලා. අපි ඒ ගොඩට වැටෙන්න කැමති නෑ.”
ප්‍රශ්නය – ඇමතිතුමා, ඒ වගේම තමයි අනිත් පැත්තෙනුත් වංචා දූෂණ කරපු ගොඩාක් ඇමතිවරු, මන්ත්‍රීවරු ඉන්නවා. ඒ ගැනත් පාර්ලිමේන්තුවේ කතා කරලා හඬනැගුවොත් මොකද ?
“කවුරු හෝ වංචා දුෂණ කරපු අය ඉන්නවා නම් එක පැත්තකින් පාර්ලිමේන්තුවක් විදියට ඒ ගැන බලන්න ඕන.ජනාධිපතිවරයා ලෙස එතුමාත් බලන්න ඕන. හරි විදියට. ඒ කියන්නේ වැරැද්ද කළේ කවුද කියන එක.”
ප්‍රශ්නය – ඔබතුමාගේ ග්‍රහචාරය හොඳයි කියලත් දැන් සමාජ මතයක් තියෙනවා.
“මම දන්නේ නෑ මගේ කේන්දරේ එතුමලා අතේ තියනවා ද කියලා. මට වෙලා තියෙන්නේ මගේ කේන්දරය මං ළඟ නැහැ. අම්මා හදලා තිබුණා පුස්කොළ පොතෙන් හොඳ කෙන්දර දෙකක්. ඒ කේන්දර දෙකම අස්ථානගත වෙලා.”
