පසුගිය වසරට වඩා විදෙස් ආයෝජන දෙගුණයකින් වැඩි වෙලා

ස්ථාවර සහ ආයෝජක හිතකාමී ආර්ථික පරිසරය තහවුරු කිරීම හේතුවෙන් පෙර වසරට සාපේක්ෂව රටට විදේශ සෘජු ආයෝජන (FDI) ගලා ඒමේ වැඩි වීමක් දක්නට ලැබෙන බව ශ්‍රී ලංකා ආයෝජන මණ්ඩලය (BOI) පවසනවා.

සාර්ව ආර්ථික ස්ථාවරත්වය සඳහා රජය දක්වන ස්ථිර කැපවීම සහ ශ්‍රී ලංකාවේ ආයෝජන සඳහා පහසුකම් සැලසීම සඳහා ස්ථාවර ප්‍රතිපත්ති රාමු ස්ථාපිත කිරීම හේතුවෙන්, ජාත්‍යන්තර ආයෝජකයින්ගේ අලුත් වූ විශ්වාසය නව ආයෝජන යෝජනා ලැබීමට හේතු වී ඇති බව ද ආයෝජන මණ්ඩලය අවධාරණය කරනවා.

මෙය නව රැකියා අවස්ථා නිර්මාණයට හේතුවක් බවද ආයෝජන මණ්ඩලය පවසනවා.

2025 පළමු භාගයේදී සාක්ෂාත් කරගත් ගලා ඒම් ඩොලර් මිලියන 507 දක්වා ළඟා වූ බවත් එය වසරකට පෙර පැවති ඩොලර් මිලියන 252 ට වඩා දෙගුණයකටත් වඩා වැඩි බවත්, එම කාලය තුළම ඩොලර් මිලියන 320 ක විදේශ ආයෝජන ඇතුළුව ඩොලර් මිලියන 569 ක් වටිනා නව ව්‍යාපෘති 57 ක් අනුමත කළ බවත් ශ්‍රී ලංකා ආයෝජන මණ්ඩලයේ සභාපති අර්ජුන හේරත් පවසනවා.