මීළඟ පොලිස්පති ධූරය ප්‍රියන්ත වීරසූරියට ?
පොලිස් දෙපාර්තමේන්තුවේ 37 වැනි පොලිස්පතිවරයා ලෙස ප්‍රියන්ත වීරසූරිය මහතා ව්‍යවස්ථාදායක සභාව විසින් හෙට (11) දිනයේ පත් කිරීමට නියමිතව ඇති බව එම සභාවේ ආරංචි මාර්ග සඳහන් කරනවා.
ව්‍යවස්ථාදායක සභාව කථානායකවරයාගේ ප්‍රධානත්වයෙන් හෙට (11) රැස්වීමට නියමිතයි.
එහිදී නව පොලිස්පතිවරයා පත්කිරීම සම්බන්ධයෙන් තීරණයක් ගැනීමට නියමිතව ඇති බව ද වාර්තා වනවා.
දේශබන්දු තෙන්නකෝන් මහතා පොලිස්පති ධුරයෙන් ඉවත් කිරීමෙන් පසු ජනාධිපතිවරයා විසින් නව පොලිස්පතිවරයා ලෙස ප්‍රියන්ත වීරසූරිය මහතාගේ නම ව්‍යවස්ථාදායක සභාව වෙත යෝජනා කර තිබෙනවා.
1988 වර්ෂයේ දී පොලිස් කොස්තාපල්වරයකු ලෙස පොලිස් දෙපාර්තමේන්තුවට සම්බන්ධ වී ඇති ප්‍රියන්ත වීරසූරිය මහතා 1992 වර්ෂයේදී උප පොලිස් පරීක්ෂකවරයකු ලෙස උසස්වීම් ලැබුවා.
1999 වර්ෂයේදී සහකාර පොලිස් අධිකාරි තරග විභාගයෙන් සමත්වී එම තනතුරට උසස්වීම් ලැබූ වීරසූරිය මහතා, 2007 වර්ෂයේ පොලිස් අධිකාරි ලෙසත් 2012 වර්ෂයේ ජ්‍යෙෂ්ඨ පොලිස් අධිකාරි ලෙසත් 2016 වර්ෂයේ නියෝජ්‍ය පොලිස්පති ලෙසත් උසස්වීම් ලබා ගත්තා.
2020 වර්ෂයේදී ජ්‍යෙෂ්ඨ නියෝජ්‍ය පොලිස්පති තනතුරට උසස්වීම් ලැබූ ඒ මහතා 2024 වර්ෂයේ සිට වැඩබලන පොලිස්පතිවරයා ලෙසයි කටයුතු කරන්නේ.