යුද්ධ හමුදාවේ කොමිෂන් නොලත් 7979කට නිල උසස්වීම්
යුද්ධ හමුදා 76 වැනි සැමරුමට සමගාමීව ශ්‍රී ලංකා යුද්ධ හමුදාවේ කොමිෂන් නොලත් නිලධාරීන් සහ නිලධාරිනියන් 7979 දෙනකුට මේ මස 10 දින සිට බලපැවැත්වෙන පරිදි නිල උසස් කිරීම් පිරිනමා ඇත.
ඒ අනුව බලලත් නිලධාරි II නිලයේ ජ්‍යෙෂ්ඨ කොමිෂන් නොලත් නිලධාරීන් 140 දෙනකු බලලත් නිලධාරි I නිලයටත්, මාණ්ඩලික සැරයන් නිලයේ ජ්‍යෙෂ්ඨ කොමිෂන් නොලත් නිලධාරීන් 818 දෙනකු බලලත් නිලධාරි II නිලයටත්, සැරයන් නිලයේ ජ්‍යෙෂ්ඨ කොමිෂන් නොලත් නිලධාරීන් 1305 දෙනකු මාණ්ඩලික සැරයන් නිලයටත්, කෝප්‍රල් නිලයේ කොමිෂන් නොලත් නිලධාරීන් 2250 දෙනකු සැරයන් නිලයටත්, ලාන්ස් කෝප්‍රල් නිලයේ කොමිෂන් නොලත් නිලධාරීන් 2395 දෙනකු කෝප්‍රල් නිලයට සහ සාමාන්‍ය සෙබළුන් 1071 දෙනකු ලාන්ස් කෝප්‍රල් නිලයටත් උසස්වීම් ලබා ඇත.