බිලි­ය­න­පති සමා­ජ­යට එක් වූ පළමු පාපන්දු ක්‍රීඩකයා

පාපන්දු ඉති­හා­සයේ බිලි­ය­න­පති සමා­ජ­යට එක් වූ පළමු ක්‍රීඩ­කයා බවට ක්‍රිස්ටි­යානෝ රොනාල්ඩෝ පත්ව ඇත. බ්ලූම්බර්ග් බිලි­ය­න­ප­ති­යන්ගේ දර්ශ­කයේ නව­තම වාර්තාවේ සඳ­හන් වන්නේ රොනා­ල්ඩෝගේ ධනය අමෙ­රි­කානු ඩොලර් බිලි­යන 1.4ක් පමණ (ශ්‍රී ලංකා රුපි­යල් බිලි­යන 424ක් පමණ) වන බවයි.

40 හැවි­රිදි පෘතු­ගීසි තරුව දැනට සවුදි අරාබි පාපන්දු සමා­ජ­යක් වන අල් නසාර් වෙනු­වෙන් ක්‍රීඩා කරන අතර, එහිදී ඔහු පසු­ගිය ජුනි මාස­යේදී අමෙ­රි­කානු ඩොලර් මිලි­යන 400කට අධික නව කොන්ත්‍රා­ත්තු­වක් අත්සන් කළේය.

ලොව පුරා බල­ය­ලත් ව්‍යාපාර සහ මූල්‍ය වාර්තා­ක­රණ අංශ­යක් වන බ්ලූම්බර්ග් වාර්තා කළේ 2002 සිට 2023 දක්වා කාලය තුළ රොනාල්ඩෝ අමෙ­රි­කානු ඩොලර් මිලි­යන 550කට වඩා වැටු­පක් උපයා ඇති බවයි. ඊට අම­ත­රව, නයික් ආය­ත­නය සමඟ ඔහුගේ දස අවු­රුදු කොන්ත්‍රා­ත්තු­වෙන් වස­ර­කට අමෙ­රි­කානු ඩොලර් මිලි­යන 18ක් පමණ එකතු වී ඇති අතර, ආර්මානි, කැස්ට්‍රෝල් සහ වෙනත් වෙළෙඳ නාම සඳහා වෙළෙඳ දැන්වීම් මඟින් තවත් අමෙ­රි­කානු ඩොලර් මිලි­යන 175ක් එක්ව තිබේ.

2023 දී මැන්චෙ­ස්ටර් යුන­යි­ටඩ් සිට සවුදි අරා­බියේ අල් නස්ර් සමඟ එක් වීමෙන් පසු රොනාල්ඩෝ පාපන්දු ඉති­හා­සයේ වැඩිම වැටුප් ලබන ක්‍රීඩ­කයා බවට පත්විය. ඔහුගේ වාර්ෂික වැටුප පවුම් මිලි­යන 177ක් පමණ වූ අතර, ඊට අම­ත­රව ප්‍රසාද දීමනා සහ සමා­ජයේ ආදා­ය­මෙන් සිය­යට 15ක කොට­සක් ද විය.