මාරක අනතුරකින් පුද්ගලයෙකු මරුට
කොට්ටාව – මත්තේගොඩ මාර්ගයේ ධාවනය වෙමින් තිබූ වෑන් රථයක රියැදුරුවරයෙකුට හෘදයාබාධයක් ඇතිවීම හේතුවෙන් මාරක අනතුරක් සිදුව තිබෙනවා.
එම අවස්ථාවේදී අදාළ රියැදුරු ධාවනය කළ වෑන් රථය තවත් වෑන් රථයක හා ලොරි රථයක ගැටී ඇති අතර එය ප්‍රාඩ්‍රෝ ජීප් රථයක ද ගැටී ඇති බව සඳහන්.
අනතුරින් හෘදයාබාධය සෑදුණු වෑන් රථයේ රියැදුරු ජීවිතක්ෂයට පත්ව තිබෙනවා.
එලෙස මිය ගොස් ඇත්තේ පන්නිපිටිය ප්‍රදේශයේ පදිංචි අවුරුදු 66ක ව්‍යාපාරිකයෙක්.
මරණකරු සිය දෛනික ව්‍යාපාරික සේවා කටයුතු නිමකර කොට්ටාව, මත්තේගොඩ මාර්ගය ඔස්සේ මත්තේගොඩ දෙසට යමින් සිටියදී පින්හේන හන්දිය ආසන්නයේදී මෙම අනතුර සිදුව තිබෙනවා.
අනතුරින් සෙසු රියැදුරන්ට කිසිදු හානියක් සිදුව නැහැ.
කෙසේ වෙතත් ඔවුන්ගේ වාහනවලට බරපතල හානි සිදුව ඇති බවයි වාර්තා වන්නේ.
