වෙළඳසැලක ගැටුමකින් තිදෙනෙකු රෝහලගත කරයි

මහරගම – පන්නිපිටිය – මාඹුල්ගොඩ ප්‍රදේශයේ පොත් අලෙවිසැලක ඇති වූ ගැටුමකින් එහි හිමිකරු ඇතුලු දෙදෙනෙකු තුවාල ලබා රෝහල් ගත කර තිබෙනවා.

පොලිසිය සඳහන් කළේ ඊයේ (19) රාත්‍රියේ වෙළඳසැලට පැමිණි නාදුනන පුද්ගලයකු විසින් තියුණු ආයුධයකින් වෙළඳසැලේ හිමිකරුට පහරදීම සිදු කර ඇති බවයි.

එය සමථයකට පත් කිරීම සඳහා දෙදෙනෙකුට ද සැකකරු පහර දී තිබෙනවා.

පහරකෑමෙන් තුවාල ලැබූ තිදෙනා හෝමාගම රෝහලේ ප්‍රතිකාර ලබන අතර, සැකකරු අත්අඩංගුවට ගත් බව පොලිසිය සඳහන් කළා.

ඉඩම් ආරවුලක් හේතුවෙන් මෙම පහරදීම සිදු කර ඇති බව වැඩිදුරටත් වාර්තා වෙනවා.