බක්මුට් සටනේදී රුසියාවට දැඩි හානි
බක්මුට් සටනේදී රුසියානු හමුදාවට දැඩි හානි සිදුව ඇති බව යුක්‍රේනය පවසනවා.
පසුගිය මාස කිහිපය පුරාම නැගෙනහිර යුක්‍රේන නගරයක් වන බක්මුට් අල්ලා ගැනීමට රුසියාව දැඩි ප්‍රහාරයක් එල්ලකළා. කෙසේ වෙතත් මේ සම්බන්ධයෙන් යුක්‍රේන අණදෙන නිලධාරීවරයා පවසන්නේ බක්මුට් සටනේදී රුසියානු හමුදා භටයන් විසිදහසත් තිස් දහසත් අතර ප්‍රමාණයක් මියගොස් හෝ තුවාල ලබා ඇති බව තමන්ට බුද්ධි තොරතුරු ලැබුණු බවයි.
යුක්‍රේනය එසේ පැවසුවත් මේ වන විට බක්මුට් නගරයේ පැති තුනකින් වට කිරීමට රුසියාවට හැකිව තිබෙනවා. බක්මුට් නගරය අත්පත් කර ගැනීම යුක්‍රේනයේ නැගෙනහිර ප්‍රධාන පළාත වන ඩොන්බාස්ක් ප්‍රදේශය පාලනය සදහා රුසියාවට මහත් අස්වැසිල්ලක් වනු ඇති බව විදෙස් විශ්ලේෂකයන් පවසනවා.