නවසීලන්ත පන්දු යවන්නන් ඉදිරියේ ශ්‍රී ලංකා පිතිකරුවෝ අසරණ වෙයි

නවසීලන්ත පන්දු යවන්නන් ඉදිරියේ ශ්‍රී ලංකා පිතිකරුවෝ අසරණ වෙයි

සංචාරක ශ්‍රී ලංකාව සහ නවසීලන්තය අතර පැවැත්වෙන තරග දෙකකින් යුතු ටෙස්ට් ක්‍රිකට් තරගාවලියේ දෙවන තරයේ පළමු ඉනිම සඳහා ශ්‍රි ලංකා කණ්ඩායම සියල්ලෝ දැවී ලකුණු 164ක් ලබා ගත්තා.

ඒ අනුව සිය පළමු ඉනිම සඳහා ලකුණු 580ක් රැස්කළ නවසීලන්තයට වඩා ශ්‍රී ලංකා පළමු ඉනිම ලකුණු 416ක් පසුපසිනුයි අවසන් වූයේ.

ශ්‍රී ලංකාව වෙනුවෙන් පිත්තෙන් යම් සාර්ථකත්වයක් පෙන් වූ එක ම ක්‍රීඩකයා බවට පත් වූ නායක දිමුත් කරුණාරත්න ලකුණු 89ක් වාර්තා කළා.

ඊට අමතරව දිනේෂ් චන්දිමාල් 31ක් ද නිෂාන් මධුෂ්ක 19ක් ද ශ්‍රී ලංකා ඉනිම වෙනුවෙන් එකතු කළා.

ඒ හැරුණුකොට අන් එකදු ශ්‍රී ලාංකික පිතිකරුවෙකුට ලකුණු 10 සීමාව පසු කර යාමට අවස්ථාවක් නවසීලන්ත පන්දු යවන්නන් ලබා දුන්නේ නැහැ.

නවසීලන්තය වෙනුවෙන් මැට් හෙන් රි සහ මිචෙල් බ්‍රාස්වෙල් කඩුළු 3 බැගින් ලබා ගත්තා.

ඒ අනුව ශ්‍රී ලංකාවට අමිහිරි සහගත පරාජයකින් බේරිම සඳහා සිය දෙවන ඉනිම ආරම්භ කරන්න වූයේ 416ක දැවන්ත ලකුණු සංඛ්‍යාවක් පසුපසිනුයි.

COMMENTS