ලාසා උණ රෝගීන් 105ක් හමුවෙයි
නයිජීරියාවෙන් ‘Lassa උණ’ පවතින බවට තහවුරු කරන ලද රෝගීන් 105ක් සිටින බව නයිජීරියානු සෞඛ්‍ය බලධාරීන් සඳහන් කර තිබෙනවා.
මෙම වසරේ ජනවාරි 2-15 දක්වා රට පුරා වාර්තා වූ සැක සහිත ‘Lassa උණ’රෝගීන් 369 කගෙන් මෙම තහවුරු කරන ලද රෝගීන් 105 ක් ලියාපදිංචි කර ඇති බවයි විදෙස් මාධ්‍ය වාර්තා කරන්නේ.
මේ වන විට, ප්‍රාන්ත 10 ක් පුරා නයිජීරියානු ප්‍රාදේශීය ප්‍රදේශ 30 කින් උග්‍ර වෛරස් රක්තපාත රෝගාබාධ ඇති ආසාදිතයින් හමු වී ඇති බව නයිජීරියාවේ රෝග පාලන මධ්‍යස්ථානයේ ප්‍රධානී Ifedayo Adetifa පවසා තිබෙනවා.
ලෝක සෞඛ්‍ය සංවිධානයට අනුව ‘Lassa උණ’ ඇතිවන්නේ ‘Lassa වෛරසය ‘ මගින් වන අතර මිනිසුන් සාමාන්‍යයෙන් වෛරසය සමග සම්බන්ධ වන්නේ ආසාදිත මීයන්ගේ මුත්‍රා හෝ අසූචි මගින් දූෂිත වූ ආහාර හෝ ගෘහාශ්‍රිත ද්‍රව්‍යවලට නිරාවරණය වීමෙනි.
එමෙන්ම සමහර අවස්ථාවලදී, ‘Lassa උණ’මැලේරියාවට සමාන රෝග ලක්ෂණ ඇති කරන අතර, වෛරසයට නිරාවරණය වීමෙන් සති 1 සිට සති තුන දක්වා දක්නට ලැබෙන බවයි විදෙස් මාධ්‍ය පවසන්නේ.
‘Lassa උණ’ වැළඳුණු මෘදු අවස්ථාවන්හිදී, උණ, තෙහෙට්ටුව, දුර්වලතාවය සහ හිසරදයද ඇති කරනු ලබනවා.